Татар шигъриятендә әнигә атап язылган шигырьләр аерым зур бер катлам билгели. Алар тәүге карашка бер-берсенә бик нык охшаган кебек тоелсалар да, нигездә юксыну, соклану, наз тулы шигырьләрдә мең дә бер төрле, һәм ахыр чиктә, бердәнбер, кабатланмас Әни образы ачыла. Әниләргә атап язылган шигырьләрне без бер чарага тупларга һәм яңгыратырга уйладык – шулай «Әни» исемле шигырь кичәсе туды. 25 ноябрь көнне «Шәрык клубы»нда безнең барыбызга да таныш һәм моңарчы бер дә ишетмәгән «әни»ле шигырьләр һәм җырлар тыяңлаячакбыз. Ә шигырьләрне шигырь тәмен белгән кешеләр яңгыратачак. Бу чараны әниләргә багышланган шигърият дөньясына сәяхәт дип күзаллыйк – монда без тышкы дөньяны беразга сүндереп торып, һәрберебезнең күңелендә мөһим урын – ярату, соклану, үпкә, юксыну, үкенү, мәрхәмәт тулы урынны алып торган кеше – ӘНИ хакында сөйләшербез. 

Катнашучылар:

Айваз Садыров 

Сәидә Мөхәммәтҗанова

Ләйлә Хәбибуллина 

Илүсә Хуҗина 

Оскар Юнысов 

Алинә Хәбибуллина 

Таңсылу Мостафина

Гөлинә Шәйхи 

Айсылу Лерон

Алып баручы: Гүзәл Закирова